"పంచదార కన్న పనస తొనల కన్న కమ్మని తేనె కన్న తెలుగు మిన్న" సామెతలు సామెతలు 1) ఆరిపోయే దీపానికి వెలుగు ఎక్కువ. 2) ఆరోగ్యమే మహాభాగ్యము. 3) ఆస్తి మూరెడు ఆశ బారెడు. 4) ఆవలింతకు అన్న ఉన్నాడు కాని, తుమ్ముకు తమ్ముడు లేడంట . 5) ఆవలిస్తే పేగులు లెక్క పెట్టినట్లు. 6) ఆవు చేను మేస్తే, దూడ గట్టు మేస్తుందా? 7) ఆయనే వుంటే తెల్ల చీర ఎందుకు? 8) అబద్ధము ఆడినా అతికినట్లు ఉండాలి. 9) అచ్చిగాడి పెళ్ళిలో బుచ్చిగాడికి ఒక జంజపు పోగు. 10) అడగనిదే అమ్మ అయినా పెట్టదు. 11) అడకత్తెరలో పోకచెక్క లాగ 12) ఆడవారి మాటలకు అర్థాలే వేరులే. 13) ఆడవారి నోట్లో ఆవగింజ అయినా దాగదు 14) అడవి కాచిన వెన్నెలలా.. 15) అడవిలో పెళ్ళికి జంతువులే పురోహితులు. 16) అద్దాల నాడు బిడ్డలు కాని, గడ్డాల నాడు కాదు. 17) అద్దం అబద్ధం చెప్పదు. 18) అడిగే వాడికి చెప్పేవాడు లోకువ. 19) అదిగో పులి అంటే ఇదిగో తోక అంటారు. 20) అడుక్కున్నమ్మ కు అరవై కూరలు, వండుకున్న అమ్మకు ఒకటే కూర. 21) అడుసు తొక్కనేల, కాలు కడగనేల. 22) ఏ ఎండకు ఆ గొడుగు. 23) ఏమి లేని ఎడారిలో ఆముదము చెట్టే మహా వ...