పొడుపు కథలు సమాధానాలు

 👉పొడుపు కథలు తెలుగులో👈

పొడుపు కథలు తెలుగులో, చిక్కు ప్రశ్నలు, పొడుపు ప్రశ్నలు - జవాబులు, తెలుగు పొడుపు కథలు సమాధానాలు, చిన్న పిల్లల కోసం మరియు పెద్దల కోసం. 

👉1) ఐదుగిరిలో చిన్నోడు, పెళ్ళికి మాత్రం పెద్దోడు

జవాబు: చిటికెన వేలు

👉2) ఎర్రటి పండు మీద ఈగైనా వాలదు. 

జవాబు: నిప్పు

👉3) నా నిండా రంధ్రాలు, అయినా నీటిని భలేగా పట్టి ఉంచుతాను. ఎవరిని?

జవాబు: స్పాంజి

👉4) తెల్లని విస్తరిలో నల్లని మెతుకులు

జవాబు: అక్షరాలు

👉5) నీటితో పంట - ఆకు లేని పంట

జవాబు: ఉప్పు

👉6) వానా లేక ఎండా లేక పైరు పచ్చంగా, ఆకు లేక సున్నం లేక నోరు ఎర్రంగ

జవాబు: రామచిలుక.

👉7) దాస్తే పిడికిలిలో దాగుతుంది, తీస్తే ఇల్లంతా జారుతుంది.

జవాబు: దీపం వెలుగు.

👉8) కాళ్లు లేవు గానీ నడుస్తుంది. కళ్లు లేవు గానీ ఏడుస్తుంది?

జవాబు: మేఘం

👉9) తల్లి దయ్యం, పిల్ల పగడం.

జవాబు: రేగుపండు

👉10)అందరినీ పైకి తీసుకెళ్తాను కానీ నేను మాత్రం వెళ్లలేను నేను ఎవరు

జవాబు: నిచ్చెన

👉11) చిన్న పాపకు చాలా చీరలు. ఏమిటది?

జవాబు: ఉల్లిపాయ

👉12)జాన కాని జాన, ఏమి జాన?

జవాబు: ఖజాన

👉13) తెలిసేలా పూస్తుంది, తెలియకుండా కాస్తుంది?

జవాబు: వేరుశెనగ కాయ

👉14) లాగి విడిస్తేనే బ్రతుకు?

జవాబు: ఊపిరి

👉15) పువ్వులో అందరికీ పనికి వొచ్చే పువ్వు?

జవాబు: పత్తి పువ్వు

👉16) పెద్ద ఇంటిలో పొట్టివాన్ని నిలబెడితే నిండా నేనే?

జవాబు: దీపం

👉17) పొద్దుటూరి చెట్లలో పొదిలింది చెళవాయి, చూసే వారే కాని పట్టే వారు లేరు?

జవాబు: సూర్యుడు

👉18) మూత తెరిస్తే, ముత్యాల పేరు?

జవాబు: దంతాలు

👉19) ముళ్ల కంచెలో మిఠాయి పొట్లం?

జవాబు: తేనె పట్టు

👉20) రసం కాని రసం, ఏమి రసం?

జవాబు: నీరసం

👉21) మొదట చప్పన, నడుమ పుల్లన, కొస కమ్మన?

జవాబు: పాలు, పెరుగు, నెయ్యి

👉22)రెక్కలు లేని పిట్ట గూటికి సరిగా చేరింది?

జవాబు: ఉత్తరం

👉23) రాజు నల్లన, ప్రధాని పచ్చన, పాలు పుల్లన?

జవాబు: తాటి చెట్టు

👉24) రెండు కొడతాయి, ఒకటి పెడుతుంది?

జవాబు: ఎండ, వాన, చలి

👉25) రాళ్ల అడుగున విల్లు, విల్లు కోనలో ముళ్ళు?

జవాబు: తేలు

👉26) అందరాని వస్త్రంపై అన్నీ వడియాలే

జవాబు: నక్షత్రాలు

👉27) అడవిలో పుట్టింది, మెదరింట్లో మెలిగింది

వంటినిండా గాయాలు, కడుపు నిండా రాగాలు

జవాబు: మురళి

👉28) చారల పాము, చక్కటి పాము

నూతిలో పాము, నున్ననైనా పాము

జవాబు: పోట్లకాయ

👉29) నాదశ్వరానికి లొంగని త్రాచు,

నిప్పంటించగానే ఆడెత్స్తుంది

జవాబు: చిచ్చుబుడ్డి

👉30) తొడిమ లేని పండు, ఆకు లేని పంట

జవాబు: విభూది పండు

👉31) తలనుండి పొగ చిమ్ముతుండు, భూతం కాదు

కన్ను లెర్రగా ఉండు, రాకాసి కాదు

పాకి పోవు చుండు, పాము కాదు

జవాబు: రైలు

👉32) అందమైన గోపురం - మధ్య దూలం - మంచి గాలి లోనికెళ్ళి చెడ్డ గాలి బయటకొచ్చు

జవాబు: ముక్కు

👉33) సన్న తోడవు తొలగిస్తే, కమ్మని వెన్నముద్ద

అందరూ ఇష్టంగా ఆరగిస్తారు

జవాబు: అరటిపండు

👉34) అడుగులున్నా కాళ్ళు లేనిది

జవాబు: స్కేల్

👉35) ఒకటే తొట్టె, రెండు పిల్లలు

జవాబు: వేరు సెనగ

👉36) ఎర్రటి పండుపై ఈగైనా వాలదు

జవాబు: నిప్పు కణిక

👉37) నాకు నోరు లేదు కానీ మాటలాడుతాను,

చెవులు లేవు కానీ ఎంత చిన్నగా మాట్లాడినా విని అందరికీ తెలియ చేస్తా

జవాబు: మైకు

👉38) అందమైన వస్త్రంపై అన్నీ వడియాలే

జవాబు: ఆకాశంలో నక్షత్రాలు

👉39) కిట కిట తలుపులు, కిటారి తలుపు, ఎప్పుడు తీసిన చప్పుడు కావు, ఏమిటవి?

విప్పితే: కనురెప్పలు

👉40) కొండల్లో పుట్టి కోనల్లో నడిచి, సముద్రంలో చేరే నెరజాణ

జవాబు: నది

👉41) గోడమీద బొమ్మ, గొలుసుల బొమ్మ, వచ్చి పోయే వారికి వడ్డించు బొమ్మ.

జవాబు: తేలు.

👉42) చిటారు కొమ్మన మిఠాయి పొట్లం

జవాబు: తేనెపట్టు

👉43) కాళ్ళు చేతులు లేని అందగత్తెకు బోలెడు దుస్తులు

జవాబు: ఉల్లిపాయ

👉44) నాలో బోలెడు నదులున్నాయి కానీ నీళ్లు మాత్రం లేవు

ఎన్నో దారులున్నాయి కానీ ఏ వాహనము పోదు

ఎన్నో దేశాలున్నాయి కానీ భూమిని కాదు, మరి ఎవరిని?

జవాబు: ప్రపంచ పటం (మ్యాప్)

👉45) అరిచి గోల పెట్టె రాళ్లు?

జవాబు: కీచు రాళ్లు

👉46) నగరాలూ, పట్టణాలు దాటేస్తుంది,

ఎంతెంత దూరమైనా వెళుతుంది

కానీ ఉన్నచోటు నించి కదలదు

జవాబు: రహదారి (మనసు)

👉47) దాని పువ్వు పూజకు పనికిరాదు, దాని ఆకు డొప్పగా చేయటానికి సాయపడదు, కానీ దాన్ని అందరూ కోరతారు

జవాబు: చింత పండు

👉48) దొంతర దొంతర దుస్తులు, బంగారు వన్నె జుట్టు కలిగిన తల్లికి ఎంతో అందమైన పిల్లలు.

జవాబు: మొక్కజొన్న కంకి

👉49) చక్కనమ్మ చిక్కినా అందమే

జవాబు: సబ్బు

👉50) చేత్తో పారేసి, నోటితో ఏరుకునేవి?

జవాబు: అక్షరాలు

👉51) తోక లేని పిట్ట తొంభై ఆమడలు పోతుంది

జవాబు: ఉత్తరం

👉52) తోకలో నిప్పు పెడితే ఆకాశానికి ఎగురుతుంది - అక్కడ పగులుతుంది, కింద పడుతుంది

జవాబు: తారాజువ్వ

👉53) దేశదేశాలకు ఇద్దరే రాజులు

జవాబు: సూర్యుడు, చంద్రుడు

👉54) నల్లని చేనులో తెల్లని దారి ఏమిటది?

జవాబు: పాపిడి.

👉55) నాలుగు రోళ్ళు నడవంగా - రెండు చేటలు చెరగంగా - నోటినుండి పాము వ్రేలాడంగా - అందమైన దొరలు ఊరేగంగా

జవాబు: ఏనుగు

👉56) నీలము చీర, మధ్యలో వెన్న ముద్ద, అక్కడక్కడ అన్నపు మెతుకులు

జవాబు : ఆకాశములో చంద్రుడు, చుట్టూ నక్షత్రాలు

👉57) నీటి ఒరుగు - రాతి బురద

జవాబు:ఉప్పు-సున్నం

👉58) చుస్తే చిన్నోడు, వాడి ఒంటినిండా నారబట్టలు

జవాబు: టెంకాయ

👉59) పొట్టలో వేలు, నెత్తి మీద రాయి

జవాబు: ఉంగరం

👉60) పోకంత పొట్టి బావ, కాగంత కడవ మోస్తాడు

జవాబు: పొయ్యి

👉61) కొప్పుంది గాని జుట్టు లేదు, కళ్లున్నాయి కానీ చూపు లేదు

జవాబు: కొబ్బరికాయ

👉62) అయ్యకు అందవు, అమ్మకి అందుతాయి

జవాబు: పెదవులు

👉63) అది లేకపోతె, ఎవ్వరూ ఏమీ తినరు

జవాబు: ఆకలి

👉64) నూతిలో పాము, నూరు వరహాలిచ్చినా బయటకు రాదు

జవాబు: నాలుక

👉65) నోరులేని పిట్ట తోకతో నీళ్ళు తాగుతుంది.ఏమిటది?

జవాబు: దీపం వత్తి

👉66) పచ్చపచ్చని తోటలో ఎర్ర ఎర్రని సిపాయిలు

జవాబు: మిరప పండ్లు

👉67) పళ్ళెంలో పక్షి - ముక్కుకు ముత్యం, తోకతో నీరు - త్రాగుతుంది మెల్లగా

జవాబు: దీపం

👉68) పిడికెడంత పిట్ట! అరిచి గోల చేస్తుంది. ఎత్తుకుంటే చెవిలో గుసగుసలు చెబుతుంది.

జవాబు: దూరవాణి

👉69) బంగారు భరిణలో రత్నాలు: పగుల గొడితేగాని రావు.

జవాబు: దానిమ్మపండు.

👉70) మాట్లాడుతుంది కానీ మనిషి కాదు

జవాబు: రేడియో

👉71) యంత్రం కాని యంత్రం-కాదిది మంత్రం

జవాబు: సాయంత్రం

👉72) హనుమంతరావు గారి పెండ్లాం గుణవమ్తురాలు. తట్టెడు సొమ్ములు పెట్టుకొని తలవంచుకొన్నది.

జవాబు: జొన్నకంకి

👉73) హస్త ఆరు పాళ్ళు చిత్త మూడు పాళ్ళు

జవాబు: వర్షం

👉74) అరచేతి పట్నాన అరవై రంధ్రాలు

జవాబు: జల్లెడ

👉75) ఆ మనిషికి రెండే కాళ్ళు, ఏడు చేతులు

జవాబు: నిచ్చెన

👉76) నాకున్నది ఒకే కన్ను, చూడలేను కానీ ముక్కు చాలు ముందుకు దూసుకు పోను!

జవాబు: సూది

👉77) క్రమమైన పయనం, నల్లపూసల సైన్యం

జవాబు: నల్ల చీమల దండు

👉78) అవి తెల్లని మల్లె మొగ్గలు, పరిమళాలు వెదచల్లవు కానీ, పరి శుభ్రంగా ఉంచుతాయి

జవాబు: ఇయర్ బడ్స్

👉79) యంత్రం కానీ యంత్రం

జవాబు: సాయంత్రం

👉80) అనగా అనగా అప్సరస, ఆమె పేరులో మధ్య అక్షరం తీస్తే, మేక

జవాబు: మేనక 

👉81) చూస్తే చూసింది కానీ కళ్ళు లేవు

నవ్వితే నవ్వింది కానీ పళ్ళు, నోరు లేవు

తంతే తన్నింది కానీ కాళ్ళు లేవు

జవాబు: అద్దం

👉82) పైన చుస్తే పండు, పగుల గొడితే బొచ్చు

జవాబు: పత్తికాయ

👉83) ఇల్లంతా వెలుగు, బల్ల కింద చీకటి

జవాబు: దీపం

👉84) పోకంతా పొట్టోడు, ఇంటికి గట్టోడు

జవాబు: తాళం కప్ప

👉85) అమ్మకి తమ్ముడిని కాను, కానీ నేను మీకు మేన మామని?

జవాబు: చందమామ

👉86) చిటపట చినుకులు చిటారి చినుకులు ఎప్పుడు రాలిన చప్పుడు కావు

జవాబు: కన్నీరు

👉87) ఆకాశం లో అరవై గదులు. గదికో సిపాయి, సిపాయికో తుపాకీ

జవాబు: తేనెపట్టు

👉88) ఆ ఆటకత్తె ఎప్పుడు లోపలే నాట్యం చేస్తుంది

జవాబు: నాలుక

👉89) చిత్రమైన చీరకట్టి - షికారుకెళ్ళె చిన్నది - పూసిన వారింటికే గాని - కాసిన వారింటికి పోదు

జవాబు: సీతాకోక చిలుక

👉90) చుట్టింటికి మొత్తే లేదు

జవాబు: కోడి గుడ్డు

👉91) చూస్తే సురాలోకం - పడితే నీటికుండ - పగిలితే పచ్చ బంగారం

జవాబు: తాటిపండు

👉92) చూస్తే చూపులు - నవ్వితే నవ్వులు

జవాబు: అద్దం

👉93);చెయ్యని కుండ పొయ్యని నీళ్ళు, వెయ్యని సున్నం తియ్యగ నుండు.

జవాబు: టెంకాయ .

👉94) చొట్టల చొట్టల కుండ - బోనాలకుండ - సీతమ్మ పేరు చెప్పి మెల్లంగా దించుకో

జవాబు: సీతాఫలం

👉95) తెలిసేటట్లు పూస్తుంది - తెలియకుండ కాస్తుంది

జవాబు: వేరుశెనగ

👉96) అడవిలో పుట్టింది, అడవిలో పెరిగింది: చెంబులో నీళ్ళని, చెడత్రాగుతుంది.

జవాబు: గంధపుచెక్క

👉97) అడవిలో పుట్టింది, అడవిలో పెరిగింది; మా ఇంటి కొచ్చింది మహలక్ష్మి. ఎవరు ?

జవాబు: గడప

👉98) ఊరంతా నాకి మూల కూర్చుండేది - యేది?

జవాబు: చెప్పులు

👉99) ఊళ్ళో కలి, వీధిలో కలి, ఇంట్లో కలి, ఒంట్లో కలి.

జవాబు: చాకలి, రోకలి, వాకలి, ఆకలి.

👉100) ఎర్రని రాజ్యం,నల్లని సింహాసనం,ఒక రాజు ఎక్కితే,ఒక రాజు దిగుతాడు,ఏమిటది? 

జవాబు: మిరపచెట్టు.

👉101) ఏడుగురు అన్నదమ్ములం మేము; విడివిడిగా వుంటే చెప్పలేవు , కలసి వుంటే చెప్పగలవు.

జవాబు: ఇంద్రధనస్సు

👉102) ఐదుగురు, ఐదుగురు, దొంగలు రెండు జట్లు గా పోయి ఒక జీవాన్ని తెచ్చారు.వెంటనే చంపారు.

జవాబు: పేను

👉103) ఐదు తంత్రాలు గలది.పిల్లలకు మహాఇష్టమైనది

జవాబు: పంచతంత్రం

👉104) ఓహోహో హాలయ్య - వల్లంతా గరుకయ్యా - కరకర కోస్తె కడుపంతా తీపయ్యా!

జవాబు: పనస పండు.

👉105) అంగడిలో పెట్టి అమ్మేది కాదు, తక్కెడలో పెట్టి తూచేది కాదు, ఆలోచించటానికి ఆధారమైనది. అది లేకుండా మనిషేకాదు

జవాబు: మెదడు.

👉106)కొంచమైనా కాన రాని పసుపు, వొళ్ళంతా పులుపు,పైనేమో నునుపు?

జవాబు: నిమ్మ పండు

👉107) రాజు గారి తోటలో రోజాపూలు చూచేవారే గాని కోసేవారు లేరు ఏమిటవి

జవాబు: నక్షత్రాలు

👉108) తెలిసేటట్లు పూస్తుంది. తెలియకుండా కాస్తుంది? 

జవాబు: వేరుశెనగ.

👉109) నీటిలో వెళ్ళుతుంది - చేప కాదు

జవాబు: పడవ

👉110) ఆకాశంలో ఎగురుతుంది - పక్షి కాదు

జవాబు: విమానం 

👉111) అక్కడిక్కడి బండి అంతరాల బండి: మద్దూరి సంతలోన మాయమైన బండి. ఏమిటది?

జవాబు: సూర్యుడు

👉112) అడవిలో పుట్టింది, అడవిలో పెరిగింది, మా ఇంటికొచ్చింది, తైతక్కలాడింది

జవాబు: మజ్జిగను చిలికే తెడ్డు. కవ్వము

👉113) అడవిన పుట్టాను, నల్లగ మారాను:

ఇంటికి వచ్చాను, ఎర్రగ మారాను:

కుప్పలో పడ్డాను, తెల్లగ మారాను.

జవాబు: బొగ్గు

👉114) అందమైన గిన్నెలో ఎర్రని పిట్ట తోకతో నీళ్లు త్రాగుతుంది.

జవాబు: దీపం వత్తి

👉115) కడుపు నిండా రాగాలు, వంటి నిండా గాయాలు?

జవాబు: మురళి

👉116) ఇష్టంగా తెచ్చుకుంటారు, చంపి ఏడుస్తారు?

జవాబు: ఉల్లి

👉117) సముద్రంలో పుట్టిపెరిగి ఊరిలో అరుస్తుంది, ఏమిటది?

జవాబు: శంఖం

👉118) చెట్టుకు కాయని కాయ కరకరలాడే కాయ?

జవాబు: కజ్జికాయ

👉119) వాలం ఉంది కాని కోతిని కాదు, నామముంటుంది కాని పూజారిని కాదు?

జవాబు: ఉడత

👉120) రాణాలనే మించిన రణం, ఏమి రణం?

జవాబు: మరణం

👉121) అరచేతిలో లెక్కించలేనన్ని ఇళ్ళు, వాటికి వెళ్లే దారికాని వచ్చే దారే లేదు

జవాబు: జల్లెడ

👉122) చీకటి లో వెలిగే చిరు దారి

జవాబు: పాపిట

👉123) తెల్లని బంతి చల్లని బంతి అందని బంతి ఆడని బంతి

జవాబు: జాబిలి

👉124) కళ్లుండి చూడలేదు, కాళ్ళుండి నడవలేదు

జవాబు: నవారు మంచం

👉125) కన్ను ఉన్నా తలలేనిది

జవాబు: సూది

👉126) చారెడు కుండలో మానెడు పగడాలు

జవాబు: దానిమ్మ పండు

👉127) చూస్తే ఒకటి, చేస్తే రెండు

తలకు తోకకు ఒకటే టోపీ

జవాబు: పెన్ను

👉128) చూస్తే గజి బిజీ, తింటే కరకర

జవాబు: జంతిక

👉129) చిత్రమైన చీరకట్టి షికారుకెళ్ళిందో చిన్నది

పూసిన వారింటికే గాని, కాసిన వారింటికి పోనే పోదు.

జవాబు: సీతాకోక చిలుక

👉130) ఆమడ నడిచి అల్లుడొస్తే, మంచం కింద ఇద్దరూ, గోడ మూల ఒకరూ, దాగుకున్నారు.

జవాబు: చెప్పుల జోడు, 

👉131) చేతి కర్ర మీ అమ్మ పడుకుంటే మా అమ్మ దాటి పాయే జవాబు

జవాబు: గడప

👉132) ఇల్లంతా తిరుగుతుంది, మూలన కూర్చుంటుంది

జవాబు: చీపురు

👉133) ఇంతింతాకు బ్రహ్మంతాకు పెద్దలు పెట్టిన పేరంటాకు.

జవాబు: మంగళ సూత్రం

👉134) ఎంతెంతో వింత బండి, ఎగిరి ఎగిరి పోయేసుమండీ!

మండుతూ మండుతూ మాయమయ్యెను

జవాబు: రాకెట్ ఆకాశం లోకెళ్లింది

👉135) నీరులేని సముద్రాన్ని భద్రంగా దాటించెను ఈ ఓడ!

జవాబు: ఒంటె (ఎడారి ఓడ)

👉136) హద్దు లేని పద్దు, అదుపు లేని ఎద్దు

ఎన్నడూ ఆడొద్దూసుమా!

జవాబు: అబద్దం

👉137) ఆ కొండకు, ఈ కొండకు ఇనప సంకెళ్లు

జవాబు: చీమల దండు

👉138) ఆకలేయదు, నీరుతాగదు, నేలని పాకదు ..ఏమిటా తీగ?

జవాబు: విద్యుత్తు తీగ

👉139) తోకలేని పిట్ట ఊరంతా తిరిగింది

జవాబు: ఉత్తరం

👉140) అంగుళం ఆకు, అడుగున్నర కాయ

జవాబు: ములక్కాయ

👉141) అంగుళం గదిలో, అరవై మంది నివాసం

జవాబు: అగ్గిపెట్టె

👉142) అమ్మ కోసి ఇచ్చినప్పుడు ఎర్రగా ఉంది. తినటం పూర్తవగానే ఆకుపచ్చ రంగుకోచ్చింది. ఏమిటది?

జవాబు: పుచ్చకాయ

👉143) ఊరికి రెండు కళ్ళు, ఒకటి తెలుపుని చుస్తే, మరొకటి నలుపునే చూస్తుంది.

జవాబు: ఆకాశం (రాత్రి, పగలు)

👉144) నేను పుట్టినప్పుడు పచ్చగా ఉంటాను,పెరిగి ఎర్రగా మారతాయా, చివరికి నల్లగా ఉంటా

నాతొ కళ్ళని పోలుస్తారు

జవాబు: నేరేడు పళ్ళు

👉145) గుట్టు చప్పుడు కాకుండా వస్తుంది. గడగడా త్రాగుతుంది

కళ్ళు మూసుకుని, తననెవ్వరు చూడలేదు అని అనుకునే అమాయకురాలు

జవాబు: పిల్లి

👉146) రంగం కాని రంగం, ఏమి రంగం?

జవాబు: వీరంగం

👉147) మత్తు కాని మత్తు, ఏమి మత్తు?

జవాబు: గమ్మత్తు

👉148) అందరినీ పైకి తీసుకుకెళ్తుంది, కాని తాను మాత్రం పైకి వెళ్ళదు?

జవాబు: నిచ్చెన

👉149) టిక్కు టిక్కుల బండి, టిక్కులాడి బండి, అందరూ వాడే బండి, బ్రేకులు లేని బండి?

జవాబు: గడియారం

👉150) అడవిలో పుట్టింది, అడవిలో పెరిగింది

మా ఇంటికొచ్చింది, తైతక్కలాడింది

జవాబు: కవ్వం

👉151) అమ్మ అంటే కలుస్తాయి, నాన్న అంటే కలవవు

జవాబు: పెదవులు

👉152) నాన్న అంటే కలవవు, అమ్మ అంటే కలుస్తాయి.

జవాబు: పెదవులు

👉153) ఈ ఇంటికి, ఆ ఇంటికి మధ్య ఒకటే దూలం

జవాబు: ముక్కు

👉154) ఎందరెక్కినా విరగని మంచం

జవాబు: అరుగు

👉155) ఎండిన బావిలో పిల్లలు గంతులేస్తారు

జవాబు: పేలాలు

👉156) ఆకాశంలో చెట్టు - చెట్టు నిండా పువ్వులు ఎంత కొట్టినా రాలవు

జవాబు: నక్షత్రాలు

👉157) ఆకులోడు కాదమ్మా ఆకులుంటాయి, బాలింత కాదమ్మా పాలుంటాయి, సన్యాసోడు కాడమ్మా జడలుంటాయి

జవాబు: మర్రి చెట్టు

👉158) ఇంతింతాకు ఇస్తరాకు రాజులు మెచ్చిన రత్నాలాకు.

జవాబు: తామలపాకు.

👉159) ఇక్కడి నుంచి చూస్తే యినుము; దగ్గరికి పోతే గుండు; పట్టి చూస్తే పండు; తింటే తీయగనుండు.

జవాబు: తాటిపండు.

👉160) ఇంతింత బండి - ఇనప కట్ల బండి , తొక్కితే నా బండి - తొంభై ఆమడలు పోతుంది.

జవాబు: సైకిలు

👉161) ఇక్కడ ఉంటుంది - అక్కడ ఉంటుంది -పిలిస్తె పలుకుతుంది - మనలాగే మాట్లాడుతుంది

జవాబు:టెలిఫోన్

👉162) ఉద్యోగం సద్యోగం లేదు ఊరంతా వ్యాపకమే

జవాబు: కుక్క

👉163) ఉదయం నాలుగు కాళ్లతో నడిచేది,మధ్యాన్నం రెండు కాళ్ల తో నడిచేది,సాయంత్రం మూడు కాళ్ళతో నడిచేది.

జవాబు: పసితనం లో నాలుగు కాళ్ళు, పెద్దయ్యాక రెండు కాళ్ళు, వృద్ధాప్యం లో మూడు కాళ్ళు

👉164) ఉడికిందొకటి,ఉడకందొకటి,కాలిందొకటి,కాలందొకటి, ఏమిటది ?

జవాబు: వక్క,ఆకు,సున్నం,పొగాకు

👉165) ఊరంతకీ ఒక్కటే దుప్పటి

జవాబు: ఆకాశం

👉166) కిట కిట తలుపులు, కిటారి తలుపులు

ఎప్పుడు మూసిన చప్పుడు కావు

జవాబు: కంటి రెప్పలు

👉167) తోవలో పుట్టింది, తోవలో పెరిగింది, తోవలో పోయేవారి కొంగు పట్టింది

జవాబు: ముళ్ల మొక్క

👉168) ఆకాశాన పటం, కింద తోక …

జవాబు: గాలి పటం

👉169) ఇంటి వెనుక ఇంగువ చెట్టు, ఎంత కోసినా తరగదు

జవాబు: పొగ

👉170) ఈత చెట్టుకి ఇద్దరు బిడ్డలు

జవాబు: కల్లు కుండలు

👉171) నామముంది కానీ పూజారి కాదు, వాలముంది కానీ కోతి కాదు

జవాబు: ఉడుత

👉172) సినిమా హాల్ కి మనతో వస్తుంది, టికెట్టు తీసుకుంటుంది కానీ సినిమా చూడదు, మనం వచ్చేవరకు ఎదురుచూస్తుంది

జవాబు: మన వాహనం

 

👉173) ఎంత ప్రయత్నించినా చేతికి చిక్కదు, ముక్కుకి మాత్రమే దొరుకుతుంది. ఏమిటది ?

జవాబు:వాసన

👉174) ఆకు వక్క లేని నోరు ఎర్రన, నీరు నారు లేని చేను పచ్చన

జవాబు:రామచిలుక

👉175) ఆకాశాన అంబు, అంబులో చెంబు, చెంబులో చారెడు నీళ్ళు.

జవాబు: టెంకాయ

👉176) ఆకాశమంతా అల్లుకు రాగా: చేటెడు చెక్కులు చెక్కుకు రాగా: కడివెడు నీరు కారుకు రాగా: అందులో ఒక రాజు ఆడుతుంటాడు.

జవాబు: గానుగ

👉177) ఆకాశ పక్షి ఎగురుతూ వచ్చి, కడుపులో చొచ్చి లేపింది పిచ్చి.

జవాబు: కల్లు

👉178) నీళ్ళల్లో పుడుతుంది, నీళ్లలో పడితే చస్తుంది.

జవాబు: ఉప్పు

👉179) శివరాత్రి కి జీడికాయ, ఉగాదికి ఊరగాయ

జవాబు: మామిడి పిందె

👉180) అడ్డం కోస్తే చక్రం - నిలువు కోస్తే శంఖం

జవాబు: ఉల్లిపాయ

👉181) అన్నదమ్ములం ముగ్గురం మేము శుభవేళల్లో కనిపిస్తూ వుంటాము;

అయితే బుద్ధులు వేరు - నీళ్ళలో మునిగే వాడొకడు, తేలే వాడొకడు, కరిగే వాడొకడు. అయితే మేమెవరం? 

జవాబు: ఆకు, వక్క, సున్నం.

👉182) ఎర్రని కోటలో తెల్లని భటులు

జవాబు: పళ్ళు 

👉183) కాళ్ళు చేతులు ఉన్నా నడవలేనిది

జవాబు: కుర్చీ

👉184) ఒళ్ళంతా ముళ్ళు, కడుపంతా చేదు

జవాబు: కాకర కాయ

👉185) తోక లేని పిట్ట 90 ఆమడలు పోతుంది?

జవాబు: పోస్ట్ కార్డు

👉186) నాలుగు కర్రల మధ్య నల్లని రాయి

జవాబు: పలక

👉187) ఒక స్తంభానికి నలుగురు దొంగలు

జవాబు: లవంగం

👉188) కానరాని విత్తనం, ఘనమైన చెట్టు

జవాబు: మర్రిచెట్టు

👉189) పచ్చని చెట్టు కింద ఎర్రని చిలుక

జవాబు: మిరప పండు

👉190) తెల్లని పోలీసుకి నల్లని టోపీ

జవాబు: అగ్గిపుల్ల

👉191) గాడి నిండా రత్నాలు, గదికి తాళం

జవాబు: దానిమ్మ పండు

👉192) ఊరంతా తిరిగి, మూలాన కూర్చునేది

జవాబు: చెప్పులు

👉193) అది మనకి మాత్రమే సొంతమైనది. కానీ మన కన్నా ఇతరులే వాడుకుంటారు

జవాబు: పేరు

👉194) నాకు బోలెడంత ఆకలి. ఏమైనా తినిపిస్తే, లేచి కూర్చుంటా

👉195) ఎండినవైతే మరీ ఇష్టం, కానీ నీళ్లు మాత్రం త్రాగించకూడదు

జవాబు: అగ్ని

👉196) నీటిలో ఉంటే ఎగసిపడతాను

నేలమీద మాత్రం కూలబడతాను

జవాబు: కెరటం

👉197) వెలుతురూ ఉంటేనే కనిపిస్తాను

చీకటి పడితే మాయమౌతాను

జవాబు: నీడ

👉198) నేను నడుస్తూనే ఉంటా..నన్ను ఎవరూ ఆపలేరు

జవాబు: సమయం

👉199) కొన్నప్పుడు నల్లగా ఉంటాను. వాడినప్పుడు ఎర్రగా మారతాను.

తీసివేసేటప్పుడు బూడిద రంగు లోకి వస్తాను. ఎవరిని?

జవాబు: బొగ్గు

👉200) పచ్చగా ఉంటాను కానీ ఆకుని కాను, మాట్లాడగలను కానీ మనిషి ని కాను

ఆకాశాన ఉండగలను కానీ మేఘాన్ని కాను. మరి నేను ఎవరిని?

జవాబు: రామ చిలుక

👉201) మీరంతా నన్ను సృష్టిస్తారు కానీ నన్ను చూడలేరు

జవాబు: శబ్దం

👉202) అందరూ నన్ను తినడానికి కొనుక్కుంటారు కానీ నన్ను తినరు.

జవాబు: కంచం

👉203) నేను శుభ్రంగా ఉన్నప్పుడు నల్లగా ఉంటాను

మురికిగా ఉంటే, తెల్లగా అయిపోతా

జవాబు: బ్లాక్ బోర్డు

👉204) నేను కరుస్తాను కానీ పళ్ళు లేవు

జవాబు: చెప్పులు

👉205) ఒక ఇంటిలో ఒక పిల్ల, ఆ ఇంటికి కిటికీలు, తలుపులు లేవు. విరగ్గొట్టుకునే బైటికి రావాలి. మళ్ళీ లోపలి పోలేదు. ఏమిటది?

జవాబు: కోడిగుడ్డు

👉206) తల లేదు కానీ రక్షణకు గొడుగు ఉంది. పాము లేదు కానీ పుట్ట ఉంది

జవాబు: పుట్టగొడుగు

👉207) నన్ను వేసే వాళ్ళే గాని తీసేవాళ్ళు లేరు …నేను ఎవరిని?

జవాబు: గోడకి సున్నం

👉208) అరచెయ్యంత పట్నంలో అరవై గదులు; గదికొక్క సిపాయి; సిపాయికొక్క తుపాకీ

జవాబు: తేనె పట్టు

👉209) అరచేతిలో కుంకుమ - గోటిమీద కుంకుమ - బీరాకు కుంకుమ - అందాల కుంకుమ

జవాబు: గోరింటాకు